Edukim cilësor dhe konkurrues, për një shoqëri të bazuar në dije.

Projekti i nxemjes qendrore me pompa termike

NJË INVESTIM I RËNDËSISHËM PËR SHKOLLËN TONË – PËRFUNDON PROJEKTI I NGROHJES ME POMPA TERMIKE!

Përfundon me sukses projekti tejet i rëndësishëm për SHFK “Ismail Qemali” – Nerasht. Projekti për modernizimin e sistemit të ngrohjes së shkollës me pompa termike tashmë është realizuar, duke krijuar kushte më të mira, më të ngrohta dhe më të përshtatshme për nxënësit dhe stafin e shkollës sonë.

Ky projekt përfaqëson shumë më tepër se një investim në infrastrukturë. Ai shënon një hap të rëndësishëm drejt një shkolle më moderne, më efikase, më ekonomike dhe më miqësore me mjedisin. Sistemi i mëparshëm i ngrohjes me naftë shkaktonte emetime ndotëse në ajër dhe shpenzime të konsiderueshme për ngrohjen e shkollës, ndërsa kalimi në pompa termike pritet të mundësojë kursime në shpenzimet e ngrohjes, uljen e ndotjes së ajrit dhe krijimin e një mjedisi më të pastër, më të shëndetshëm dhe më të përshtatshëm për nxënësit, stafin dhe gjithë komunitetin tonë.

Mirënjohje e veçantë për të gjithë ata që kontribuuan në realizimin e këtij projekti!

Falënderojmë sinqerisht:

🔹 Këshillin e Shkollës, për angazhimin, përkrahjen dhe kontributin e dhënë në realizimin e këtij projekti.

🔹 Këshillin e Prindërve, për bashkëpunimin, përkushtimin dhe mbështetjen e vazhdueshme në përmirësimin e kushteve për nxënësit.

🔹 Donatorët individualë, të cilët me bujarinë dhe gatishmërinë e tyre dëshmuan se investimi në arsim është investim në të ardhmen e fëmijëve tanë.

🔹 Shoqatën “Nerashti – Danimarkë”, për mbështetjen dhe kontributin e çmuar ndaj shkollës dhe komunitetit tonë. Solidariteti dhe lidhja me vendlindjen janë shembull frymëzues i përgjegjësisë dhe dashurisë për gjeneratat e reja.

🔹 Ndërmarrja  “LUMA TERM”, të cilës i shprehim falënderimet tona të sinqerta për kontributin e veçantë dhe solidaritetin e treguar, duke ndihmuar pa pagesë në instalimin e pompave termike.

🔹 Kryetarit të Komunës së Tearcës, i shprehim falënderim dhe mirënjohje të veçantë për mbështetjen dhe përkrahjen në realizimin e këtij projekti të rëndësishëm për shkollën tonë. Kontributi dhe bashkëpunimi i tij në përmirësimin e kushteve për nxënësit tanë janë të një rëndësie të veçantë për shkollën dhe gjithë komunitetin tonë.

Secili kontribut, pavarësisht nga madhësia, ka rëndësi të veçantë kur qëllimi është i përbashkët: t’u ofrojmë fëmijëve tanë kushte më të mira për mësim, zhvillim dhe sukses.

Ky projekt është një shembull i shkëlqyer i bashkëpunimit ndërmjet shkollës, prindërve, donatorëve, bashkatdhetarëve tanë, bizneseve dhe institucioneve lokale. Kur bashkohemi rreth një qëllimi të përbashkët, rezultatet janë konkrete dhe të dobishme për të gjithë komunitetin.

Në emër të SHFK “Ismail Qemali” – Nerasht, shprehim falënderimet dhe mirënjohjen tonë të sinqertë për secilin kontribuues dhe mbështetës!

Faleminderit që investoni në shkollën tonë, në nxënësit tanë dhe në të ardhmen e tyre!

Së bashku për një shkollë më të mirë, më moderne dhe më të ngrohtë!

LISTA E DONATORËVE DHE RAPORTIN MUND TE GJENI KËTU

Comments are closed.
Për shkollën

Organizimi i procesit mësimor sipas standardeve më të larta, shërbim profesional. Aktivitete mësimore, jashtmësimore, argëtuese…

Kontakt

ADDRESS:
rr.101 p.n
Nerasht, 1203

Tetovë

North Macedonia

tel/fax: 38944 345386
email: ismail_qemali@hotmail.com