Shkolla jonë me një tjetër arritje të rëndësishme!
Sot kemi nderin dhe kënaqësinë të ndajmë me ju lajmin e madh për marrjen e Shenjës së Cilësisë në kuadër të programit eTwinning dhe se shkolla është shpallur zyrtarisht eTwinning School 2025–2026 nga Komisioni Evropian. Një vlerësim i lartë evropian që tregon përkushtimin, punën dhe angazhimin e shkollës sonë në projektet ndërkombëtare.
Ky çmim është dëshmi se puna jonë po ecën në hap me standardet evropiane, duke i hapur dyert nxënësve dhe mësimdhënësve tanë drejt bashkëpunimit ndërkulturor, inovacionit në arsim dhe shkëmbimit të përvojave më të mira me shkolla nga e gjithë Evropa.
Rëndësia e kësaj shenje qëndron në faktin se ajo forcon imazhin e shkollës sonë si institucion modern dhe aktiv në arenën evropiane, duke u dhënë nxënësve mundësi më të mëdha për të mësuar, krijuar dhe zhvilluar aftësi për të ardhmen.
Ky sukses është rezultat i punës së përbashkët të mësimdhënësve, nxënësve dhe gjithë stafit tonë. Faleminderit të gjithëve që kontribuojnë çdo ditë për ta bërë shkollën tonë më të mirë dhe më të hapur ndaj botës! ![]()
![]()





